Orange pomander & 紅玉髓

Admin/ December 20, 2020/ Kin82歌兒之家

Orange Pomander 比我嘅感覺係一種支撐嘅感覺,人生不可缺少嘅一環。哩種感覺好奇妙,係一種由白霧出發向前睇事情嘅感覺。今次我用咗唔同嘅方式去連結Orange Pomander 及水晶,令我有一種清晰嘅想法。「失敗乃成功之母」,每一個失敗都係另一個成功嘅開始。每一個挫折係另一個機會嘅開端。當失敗嚟臨嘅那一刻,係會令到不知所措,但冷靜後亦會發現到另一條不一樣嘅路。而Orange Pomander 係哩一個位置上面,比到我係一種冷靜嘅狀態下,下定一個令自己會有點激動及帶有期望嘅決心。 今次嘅連結,令我有咗同以往唔一樣嘅處事方式,用咗一個對自己比較溫和嘅相處及溝通嘅技巧。同時亦令自己習中於自己,思考更多關於自己嘅事情。通過一次次嘅溝通,放低咗一啲無謂嘅執著,而這一切係與其他人無關,只與自己有關。 每個人都可以係任何一刻作出重新嘅選擇,一個想法亦已經可以另自己有一個唔同嘅結果。如果你以家係一個「唔知」嘅狀態下,可以試吓用Orange Pomander,比自己一點嘅時間,去思考、冷靜再做出決定。過往做過嘅、發生過嘅都已經「過去」。過咗去嘅已經唔再重要,重要嘅係你係哩個「過去」,你學懂咗乜嘢。明白返「過去」所帶來嘅課題係啲乜嘢,釋放返「過去」嘅能量。因為你以家,已經唔再需要「過去」嘅能量了。當釋放完後,再從新嘅選擇一次,哩個選擇可能係一個想法,一個心態,亦可能係一個行動。選擇後就為自己加油再從新出發吧!^^ ★ 編注:這裡是Gouyee和大家分享她使用pomander後與礦物王國的連結。感受是很個人的,而且每個過程也是數星期至數月不等,希望透過這些小分享,會為讀者帶來一些啟發。

Pink pomander & 粉晶

Admin/ August 31, 2020/ Kin82歌兒之家/ 0 comments

用咗Pink Pomander同水晶連結已經一段長的時間。之前用完White Pomander之後,皮膚開始出現「風癩」持續咗好耐。初初只係以為同細個一樣,對某啲食物或物件敏感。但過咗一段時間之後,都無退到。好多晚都瞓唔到,直到有一晚,我同Masters講,叫佢哋幫幫我。我聽到嘅係:「去用Pink Pomander,之後去完成我嘅課題」。 用Pink Pomander同水晶連結之後無耐,我自發的去睇中醫。一直以嚟,我都係一個唔願意睇醫生嘅人,不論中、西。但果一刻,我決定去睇喇。亦同時因為身體嘅問題,令我重視起我嘅身體。 用咗Pink Pomander一段時間,我發現每一次用,都會有一種好溫暖嘅「氣流」進入到我嘅身體裡面,哩一啲嘅「氣流」係身體裡面不斷嘅擴散,係我身體裡面每一個地方到行走。係最初嘅時候,哩一種「氣流」停留咗係我心口裡面,到今日佢已經係我身體裡面遊走好幾次喇。哩一種「氣流」能我感到好溫暖。而哩一種嘅溫暖比咗我好多嘅力量、勇氣及支持。 遺失嘅力量、勇氣和支持,係這個課題裡面,我搵得返喇。亦同時支持我去尋找返遺失嘅根源。係經過哩一個課題,我面對咗好多我唔想面對嘅事情。一直以為自己已經面對咗,但係因為今次哩個課題,令我發現我並無,我只係自以為嘅面對咗,自以為嘅過去喇,自以為嘅康復。Pink Pomander同水晶連結之後帶比我嘅力量,係由內而發,係激發起我心底裡面嘅力量,哩種支持唔再需要有外邊帶比自己,係可以透過自己去支持自己嘅。 每個人都有哩種力量,每個人都可以,只要你願意開放所有可能性,只要你願意開放你嘅心。你和我一樣也可以做到。★ 編注:這裡是Gouyee和大家分享她使用pomander後與礦物王國的連結。感受是很個人的,而且每個過程也是數星期至數月不等,希望透過這些小分享,會為讀者帶來一些啟發。

white pomander & 白晶

Admin/ April 30, 2020/ Kin82歌兒之家

編注:這裡是Gouyee和大家分享她使用pomander後與礦物王國的連結。感受是很個人的,而且每個過程也是數星期至數月不等,希望透過這些小分享,會為讀者帶來一些啟發。 用咗White Pomander之後,再connect with 唔同嘅白色水晶及礦石,每connect一種,個腦好似有一種Refresh咗嘅感覺,個感覺就好似有「一拙一拙」白色嘅氣體進入頭部咁。由小小嘅一下一下咁飄入嚟,就好似一扎花仔嘅數量,「速」一聲咁入個頭到。 今年開始,一次又一次嘅經歷自己嘅課題。 自我懲罰:係一個自己懲罰自己嘅狀態,總覺得自己一直以嚟都係錯嘅,哩個錯係自己「覺得」嘅,並唔係真係有咩錯。但亦因為「覺得」自己錯了。所以就狠狠地罰自己一把。乜都唔做,乜都唔理。係一個頹廢嘅狀態,一個自己放棄自己嘅狀態裡面。 自我否定:否定自己所做嘅一切,不論係好定唔好。不論係咪問心無愧,都否定一切,否定一切自己所建立,自己所創造出嚟嘅。亦覺得自己幫人係錯嘅事情,自己嘅種種好,係果刻都只係覺得一啲都唔好,自己乜都唔好。 哩2個課題,係我生命上面已經存在好耐,亦經歷咗好多次。但今次,我覺得係一個完結。係哩2個課題嘅完結。除咗哩2個課題外,亦認識咗一啲新嘅課題: 報仇:以前對我嚟講,報仇哩個字好陌生,唔明白點解需要報仇。因為唔明白點解哩個世界會有咁多不負責任、推卸責任嘅人,明明係自己所講嘅事,所提嘅事對最後要推晒出去,搵人去承擔哩個責任。因為哩個心情令我無法理解,曾經我好想好想佢哋能夠自己承受一次哩啲事。從而明白,究竟係有幾咁傷害人。但最後,我明白到,哩一啲事其實都係唔關我事嘅。佢可以有佢嘅選擇,而我亦可以有我嘅選擇。既然,我「認為」佢哋係衰人。我又何必要將自己推入佢哋個狀態到。所以最終我無「報仇」,但亦因為咁,令明白咗好多關於「報仇」嘅心態。★

Kin82歌兒之家簡介

Admin/ August 18, 2019/ Kin82歌兒之家

About Gouyee (讀音:歌兒) Ho 何杞淘 天生就是一個敏感體質,容易接觸到很多別人接觸不到的東西。由於年紀小,害怕,令到我非常抗拒自己。直到2000年接觸到水晶,不知為什麼接收到水晶內的流動。亦不知那些是什麼,但很幸運,我媽咪的一位朋友,告訴我那些是什麼東西,我才明白,那些東西,不需要害怕,但雖然如此,我還是不太想接觸到。到2003年第一次接觸塔羅牌,因聽說「好準」,令我覺得好神奇,當時幫我睇塔羅牌的老師,亦有教我如何同塔羅牌聯繫,擁有了第一副的塔羅牌。佢亦令我知道「靈擺」是什麼東西,最初的我,只知道是用來問YES/NO用的。在大概2004年,因我2位朋友,令我讀了一個成長課程,而這是我改變的開始,在這個課程裡,我學懂了自我檢討,學懂了一些Coaching Skills。 直到2013年,踏入了新的旅程,最初是由「發夢」出發,係夢中學到很多不同的東西,但亦因這些東西,令我幫到了我身邊的人。2014年因為我身邊的一位朋友,令我學習了SRT(靈性反應治療)。加上我過去學到的東西令我在SRT清理上面亦有好多不同的睇法,不同的切入點。由2015年,我接收到上天的一份功課,在這個旅程當中,經歷了很多,但亦令自己醒覺很多,中途亦有想過放棄,今天因為有一位老師的協助令我終於鼓起勇氣,行出第一步。